Aðalgata 3 - Narfey 340 Stykkishólmur
Aðalgata 3 - Narfey , 340 Stykkishólmur
Tilboð
Tegund Atvinnuhúsnæði
StærÐ 234 m2
HERBERGI 7 herb.
Stofur Svefnherbergi Baðherbergi Inngangur
7 0 4 Sér
Byggingaár Brunabótamat Fasteignamat Áhvílandi
1906 36.050.000 25.150.000 0
Tegund Atvinnuhúsnæði
StærÐ 234 m2
HERBERGI 7 herb.
Stofur Svefnherbergi Baðherbergi Inngangur
7 0 4 Sér
Byggingaár Brunabótamat Fasteignamat Áhvílandi
1906 36.050.000 25.150.000 0

Híbýli fasteignasala s. 585-8800 kynnir:    
    
Narfeyrarstofa í Stykkishólmi - til sölu er bæði húsnæði og rekstur staðarins.  
 
Narfeyrarstofa við Aðalgötu í Stykkishólmi er glæsilegt veitingahús í hjarta bæjarins. Staðurinn er rómaður fyrir vandaða og gæðamikla matargerð sem er að stóru leyti unnin frá grunni af matreiðslufólki Narfeyrarstofu og er veitingahúsið eitt af glæsilegri og farsælli veitingahúsum á Vesturlandi.   
Borð, stólar og fastir bekkir voru endurnýjaðir fyrir þremur árum síðan á mjög vandaðan hátt. Bekkir og allir stólar voru sérsmíðaðir hjá GÁ húsgögnum. Einnig voru öll ljós í sölum á efri og neðri hæð endurnýjuð, ljósin voru keypt í Epal.  

Nánari upplýsingar veitir Ólafur Már Ólafsson löggiltur fasteignasali í síma 865-8515 og á netfanginu [email protected]  

Nánari lýsing:  
Aðalhæð
: Á aðalhæð hússins er alrými og sæti fyrir 32 gesti. (Möguleiki að koma fyrir allt að 40 gestum í sæti á þessari hæð). Anddyri með fatahengi, upphafleg furugólfborð, bar með góðri vinnuaðstöðu. Þrjú salerni eru á aðalhæðinni. dúkur á gólfi framan við og á snyrtingum. 
Aftan við barinn er innangengt í litla starfsmannaaðstöðu. Þaðan er gengið inn í eldhús veitingahússins sem er staðsett í steyptri viðbyggingu sem byggð var við húsið fyrir fáeinum árum. Fullbúið eldhús með vönduðum innréttingum, tækjum og tólum, epoxy á gólfi, gluggi.
Á neðri hæð viðbyggingar er geymsla fyrir birgðir veitingahússins, útgengi er á lóðina vestan við húsið. Manngengur kælir er einnig á neðri hæð viðbyggingarinnar.  

Efri hæð: gengið um rúmgóðan og breiðan timburstiga upp á efri hæð hússins, harðparket á gólfum. Alrými með sætum fyrir 42 einstaklinga. Mögulegt er að koma fyrir allt að 50 manns í sæti á efri hæð. Aukin lofthæð að stórum hluta, fallegir viðarþverbitar í lofti eru sjáanlegir og gefa efri hæðinni reisulegt yfirbragð. Afar fallegt útsýni yfir höfnina er af efri hæðinni. Barborð með góðri vinnuaðstöðu og kælum á gólfi. Innan við barinn er aðstaða fyrir starfsfólk þar sem er einnig salerni og unnt að hafa fataskipti. Annar stigi (starfsmannastigi) sem liggur beint niður í eldhús miðhæðar er innan við barinn á efri hæð.   

Árið 2014 var byggt við húsið. Viðbyggingin er steypt, 70,2 fermetrar á tveimur hæðum, klædd að utan með furu. Steyptar tröppur eru framan við inngang á neðri hæð viðbyggingarinnar. 

Mjög góð útiaðstaða er sunnan við húsið - timburpallur með aðstöðu fyrir borð og stóla og einnig útitjald með rafmagnshitalömpum og húsgögnum.   

Lagnakjallari er undir gamla húsinu, u.þ.b. 90 fermetrar með ca. tveggja metra lofthæð. Kjallarinn er ekki skráður í birta fermetratölu hússins.
Mögulegt væri að dýpka gólfið og ná fullri lofthæð, innrétta kjallarann og tengja við efri hæðir hússins. Þannig mætti til að mynda taka hópa fyrr inn í húsið í drykk og með því auka veltu staðarins.

Búið er að setja upp hleðslustöð fyrir rafbíla við bílastæðið norðan megin við húsið sem snýr að höfninni, um er að ræða 22W hleðslustöð.

Eignin selst með öllu, þ.m.t húsnæði, rekstur ásamt öllu innbúi og fylgifé sem nú er til staðar, að persónulegum munum undanskildum.  

Nánari upplýsingar veitir Ólafur Már Ólafsson löggiltur fasteignasali í síma 865-8515 og á netfanginu [email protected]

Senda fyrirspurn um eignina

Skilaboð hafa verið send.