Híbýli fasteignasala s. 585-8800 kynnir í einkasölu:    
 
Falleg og vel skipulögð 4ra herbergja íbúð á efstu hæð ásamt bílskúr í þríbýlishúsi við Langholtsveg 162. Eignin stendur innst í rólegum botnlanga.
Íbúðin sjálf er 70,5 fermetrar en gólfflötur íbúðarinnar er talsvert stærri þar sem hluti hennar er undir súð. Að auki fylgir 25,1 fm hluti í tvöföldum bílskúr sem stendur við húsið.
Stórt geymsluloft er yfir íbúðinni sem fylgir þessum eignarhluta.

Lýsing eignar:
Forstofa/gangur: tengir saman rými íbúðarinnar, parket á gólfi, fatahengi. Úr gangi er aðgengi um lúgu uppá geymsluloft yfir íbúðinni. 
Setustofa: rúmgóð og björt, parket á gólfi, útgengi á flísalagðar svalir sem snúa í suður og njóta sólar stóran hluta dagsins.
Eldhús: upphafleg innrétting, parket á gólfi, borðkrókur, gluggar í tvær áttir. 
Borðstofa: rúmgóð borðstofa, gluggi í vestur, parket á gólfi, opin við setustofu. Væri unnt að loka af og nýta sem þriðja svefnherbergi íbúðarinnar.
Hjónaherbergi: rúmgott herbergi, parket á gólfi, fataskápur.
Barnaherbergi: einnig gott herbergi, parket á gólfi. 
Baðherbergi: nýlega endurnýjað, flísar á veggjum og gólfi, baðkar og sturta. 
Sameiginlegur innangur er með miðhæðinni, flísar á gólfum og stiga.

Íbúðinni fylgir 50% hlutdeild af tvöföldum bílskúr (u.þ.b. 25,1 fm) sem stendur við húsið. Vinstra innkeyrslubilið tilheyrir íbúð 0201 og bílastæðið þar fyrir framan.
Hiti, rafmagn og rennandi vatn eru í skúrnum. Bílskúrinn er skráður sem sameign sumra (sem bílastæði í bílskýli) og telst ekki inn í birta fermetratölu eignarinnar, unnt væri að skipta skúrnum upp með millivegg (háð umsókn um framkvæmdaleyfi) og ætti hann þá að fást skráður sem bílskúr í séreign og með birta fermetra sem tilheyra eignarhlutanum.

Íbúðinni fylgir aðgangur að sameiginlegu þvottahúsi í kjallara hússins. 
Lóðin umhverfis húsið er fallega frágengin og snyrtileg, garður er afgirtur og með sameiginlegri hellulagðri verönd, snjóbræðsla í stéttum framan við húsið og að veröndinni í garði aftan við hús. 
Fjögur sameiginleg bílastæði eru við húsið austanmegin. 

Viðhald/endurbætur
Húsið var málað að utanverðu árið 2020
Þakjárn og þakpappi hússins endurnýjað árið 2020. Borðaklæðning í þakinu var einnig endurnýjuð eftir þörfum.
Gaflgluggar íbúðarinnar og þakgluggar hússins voru endurnýjaðir 2020
Ofnar og ofnalagnir íbúðarinnar voru endurnýjaðar 2007
Frárennslislagnir voru endurnýjaðar undir húsi og að brunni árið 2007
Drenað með suður og vesturhliðum hússins árið 2007
Raflagnir og rafmagnstafla íbúðarinnar var endurnýjuð 2007
Vatnslagnir í bílskúr voru endurnýjaðar árið 2018 
Útidyratröppur voru endursteyptar og lagðar í þær hitalagnir árið 2008. 

Falleg íbúð í húsi sem hefur fengið reglubundið og gott viðhald.
Eftirsótt staðsetning í námunda við Laugardalinn - stutt í skóla, leikskóla, alla helstu verslun og þjónustu sem og stofnæðar. 

Nánari upplýsingar á skrifstofu Híbýla í síma 585-8800 eða á netfanginu [email protected]
Ingibjörg Þórðardóttir löggiltur fasteignasali s. 864-8800 / [email protected]
Ólafur Már Ólafsson löggiltur fasteignasali s. 865-8515 / [email protected]